कविता
ग्रेट खबर (?) मा मौन राजधानी
रचना – ठाकुर मान लामा
ग्रेटर नेपालको सपनामा
यहाँ अनेकन ग्रेटर भइसकेछन्
सिमामा नेपाली कुटिदा पिटिदा
मस्त निद्रामा ग्रेट सपना
देख्दै सुतिरहेका छन्
राजधानीबासीहरु
ग्रेट भएछन नेताहरु
हाकिमदेखि अभिनेताहरु
ठुलो हलमा केही कागज लिई
हातमा माइक समाई
ग्रेट ग्रेट भाषण छाड्दै
कुर्सीमा हल्लिदै मच्चिदै
आउँछन जान्छन् ग्रेट
भनाउँदा ब्यक्तिहरु
वास्ता छैन तिनलाई
ती नेपालीहरु कति
सास्तीमा बाँचिरहेछन्
केवल तिनलाई धुन छ
कसरी आफु अझै ग्रेट हुने
कुल्चिदै गइरहेछन् सिमाहरु
भत्काइदैछन् ती स्तम्भहरु
ग्रेटर नेपाल साकार बनाउने
आफु तर्फ मोडिएको
दिशामा अबरोध बनाइदैछन
तन्काइदैछन
बन्दुक तोप मेशिनहरु
पढदैछ अखबार राजधानी
सुन्दैछ रेडियो राजधानी
हेर्दैछ टि।भी राजधानी
ग्रेट (?) ग्रेट (?) खबरमा
त्यै पनि
मौन साध्दै बसिरहेको
छ राजधानी
श्रोत : घटना र बिचार
