गीत
चाहे आँधी आओस
रचना : ठाकुर मान लामा
चाहे आँधी आओस् चाहे तुफान आओस्
मेरो देशको निम्ति म प्राण दिन्छु
रोकेर रोकिन्नन् पाइलाहरू सामुन्ने काँडैकाँडा नहोस् किन
खुसी हुनेछु बरु बैरीलाई झुकाएको दिन
चाहे वर्षा लागोस् चाहे गर्मी छाओस्
मेरो देशको निम्ति म प्राण दिन्छु
सहन्छु सबै चोटहरू घाउ लागे पनि
हुन दिने छैन आमा तिमीलाई कहिल्यै दुःख पनि
चाहे आगोले रोकोस् चाहे चट्टानले छेकोस
मेरो देशको निम्ति म प्राण दिन्छु
व्यर्थै नजाओस् यो जुनी पुज्न कहिल्यै छाड्ने छैन
हँसिलो मुहार पार्न तिमीलाई म पछि हट्ने छैन
चाहे रात ढलोस् चाहे दिन बितोस
मेरो देशको निम्ति म प्राण दिन्छु
चाहे आँधी आओस् ...............
श्रोत: घटना र बिचार / नेपाल ऐच के
No comments:
Post a Comment