कविता
समय क्रान्तिको
रचना - ठाकुर मान लामा
जंजीरले बाधिएका मेरा यी हातहरु
त्यसले नै एकदिन लोहाको काम गर्नेछ
पट्टीले कसिएका यी मेरा मुखहरु
स्वयं खुली बुलन्द आवाज छर्नेछ
भवन यी फलामै फलामको भएपिन
यसैबाट मेरो नयाँ जन्म हुनेछ
बिताएका एक दिन एक पल पल
अदम्य साहस शरीरमा भर्नेछ
सहिएका यी लामा लामा मोटा लौराहरु
आगोको चिङ्गार बनि निक्लनेछ
तड्पाई मेरा भोगाई उपरान्त
एक क्रान्तियुगको चिनारी कहलिनेछ
व्यतित मेरा जीवन यी कालकोठरीमा
चिर्दै अँध्यारो जगमगायन प्रकाश दिनेछ
प्रवेशद्वारको बाहिरी मेरो दुनियामा हेर
एकदिन सुनौलो बिहानी आउनेछ
श्रोत : संगालो डट बी
No comments:
Post a Comment